SPD4459 遊尖旺 Cafe 一 「土耳其菜」你食過未?

SPD4459 遊尖旺Cafe 一
「土耳其菜」你食過未??

大家有無試過土耳其菜呢~

香港地周街都係港式日式台式韓式餐廳，有時都會覺得悶 zzZZ

奴果大家想試下新野，

就一定要黎試下呢間土耳其餐廳!!

本次 SPD4459 遊尖旺 Cafe 推介: 土耳其媽媽廚房

佢有幾間樓上Cafe，必須book位先可以食。

而且唔會有menu，所有菜式係由此餐廳自行決定~~

因為呢間餐廳係根據每日的booking數量

，來設計不同的土耳其菜式。

所以每次去食，每次都會係完全唔同既菜式，十分特別~!

如果有個別口味，例如走辣走甜走鹽走青走XXXXXX

可以係book位時用whatsapp同佢講!

一入到去，個餐廳好細，只有4-5張枱左右，而家有1張係二人枱~

我地入到去時，已經坐滿人了，我地係最後一批來到的客人...哈哈

枱上已有免費沙津一碟，一路等一路食

坐左係到等左大約20分鐘左右，有個女人拉住個行李入黎，

之後其中一個店員同個女人講:「終於黎到啦~」

我地就即刻知道，入面應該就係野食黎啦~~

食物開始上枱:

土耳其菜式第一擊: 牛肉炒飯釀三色椒

睇幅圖好細，其實三隻椒都好大隻! 我地3個人食，望到都嚇死，咁大隻心諗點食....

 慢慢cut開，入面有好熱既牛肉飯，好特別~

食落去牛肉味好淡，其實佢唔介紹，真係唔知係牛肉飯，

但D飯煮得幾好，唔會淋唔會硬，3隻椒多汁，好爽口，

味道方面，我個人覺得3隻椒係一樣味，只係顏色唔同。

土耳其菜式第二擊: 土耳奇羊排飯

就咁賣相好似好普通，但食落就唔普通!

佢D羊肉好好食，好甜，烤得好淋，無羊果種 "SO" 味，唔食羊肉既朋友不坊試下!

土耳其菜式第三擊: 辛紅飯釀烤嫩雞
成隻雞都放曬出黎，好多雞肉好大碟。
D雞肉包住D飯，飯好辣，但幾好食，食得辣既朋友就會覺得好正!
D雞就口感比較硬~

呢間餐廳除左食物特別之外，
D員工係識好多土耳其文化同當地名勝!
咁岩隔離枱個客人想去土耳其，問個員工有咩地方好介紹，個員工真係咩都識，直程講到佢好似已土耳其隱居住左幾十年咁款經係，好西利呀!

總括黎講，如果大家想試下其他外國既美國，不妨試下土耳其菜~
雖然外表就好普通，不過通常外表普通既野先係正野!

OVERALL Rating:

食物:＊＊＊＊

環境:＊＊＊

員工:＊＊＊＊＊

－－－－－－－－－－－－－－－－－－－－－－－－－－－－－－－－－－－－－－－－

餐廳詳情:

地點:旺角旺角九龍西洋菜南街1A-1K百寶利商業中心13樓4C室

電話:6800 7776 (必須whatsapp預約)

星期一至日: 19:30-23:00 

(不定期開放，一星期有一天休息，敬請預約)

SPD4459 遊尖旺Cafe ~價廉物美的Afterhours Cafe~

迎著初秋的涼風，人總是特別需要滋潤的。

Rose雖然沒有愛情的滋潤，但有美食的滋潤就可以開心一整天了！

今天途徑旺角通菜街覓食，發現了一間價廉物美的Cafe-Afterhours Cafe，很想推薦給大家。

一向吃飯看門面的我，目光很容易被那些看似沒什麼客人，燈光暗暗的，裝橫偏簡約又不失歐陸風精緻的門口所吸引。Afterhours的門面看上去就是一間偏貴的西餐廳，誰知一看餐牌，𣊬間如在沙漠找到綠洲般欣喜！再加上一位笑容可掬的店員的不斷介紹，Rose終於有想一探究竟的心情。

當時若下午2時半，有午餐和Tea set可供選擇，最後點了一個Set lunch D。看到餐牌的價目，不難令人聯想食物的質數不會太高，也許與茶記差不多。

餐牌不算多款式但有美美的封面。

這橫街會提供All Day Breakfast的Cafe不多，這裏有3個選擇，價錢頗吸引，但霎眼看幾乎沒有人點，所以可能不是鎮店之寶。

看到這杯檸檬水時，立馬雙眼發光，這杯子和碟也太精緻了吧！

一向對檸檬水很挑剔，是新鮮的檸檬還是切開很久放冰箱再拿出來的，一嘗即知。這次的合格有餘，水質不會有漂白味，較清甜，檸檬也是難得的清新，這

讓Rose十分期待之後的主菜。

忌廉湯相對失色，偏淡，但口感適中，

奶香，總比連鎖店的有誠意。

萬眾期待的主菜—

忌廉汁蘆筍鮮魷意大利粉

一看碟面那調味料裝飾已頓生好感，替平凡的碟子增添一絲高貴。伴碟的蔬菜很爽脆，種類也不少。Rose很少吃魷魚，不是怕"UN"就是怕腥，這裏做得很爽滑又鮮甜，沒想到配忌廉汁吃是如此合襯。忌廉汁偏濃厚，份量非常多，味道不一般，帶有卡邦尼風味，比著名的意份連鎖店更讓人難忘。

意粉是神來之筆，居然是罕有的偏硬身！小麥香亦突出，Rose認為這道菜只要賣相和碟子再精緻點，出現在黃金地段，身價翻一倍也不過份。

這裏店面面積不大，但善用鏡子提升空間感，稍暗的燈光伴著柔和的射燈，氣氛不錯。紅白格子桌布稍減去一點浪漫卻增加了親和力，PU皮的椅子坐着舒適，令整體用餐滿意度頗加分。

唯一美中不足的是，餐牌提供的特飲少於十種，亦鮮少有甜品選擇，讓Cafe的名義大打折扣，這裏怎麼看都更像是一間帶有Cafe情調的西餐廳而已。期望店家於未來會添加更多美食吧！還有一個喜訊就是只有晚餐時段才收小費喔，但由於Afterhours的每位員工都很親切有禮，所以Rose還是想給小費呢。

再會～

Address: 旺角通菜街1M-1T號華發大廈地下F號舖

Tel: 2191 8858

Opening Time: 星期一至日: 12:00-22:00

SPD4459 油尖旺 Cafe 評分:

食物:**** 

飲品:**** 

環境:*** 

員工態度:****

整體: ****

BY Rêver de rose

Moe Maid Cafe 萌．女僕咖啡屋

今日大家day off無聊無野做，我地4個女仔決定搞搞新意思，突破傳統，say NO! to 睇戲、煲、行街買衫，去萌．女僕咖啡屋食傳說中既蛋包飯！

我地叫左4個飯，因為大家都係好飯之人，加3個飯後甜品share：

我既蠟筆小新蛋包飯

朋友Ａ既吉列蠔咖哩飯

朋友Ｂ既布丁狗蛋包飯

朋友Ｃ既喵喵蛋包飯

總括黎講，裝潢簡單，遊戲多元化好玩，玩左Broad games同Card games 如 Pictionary 成粒鐘，蛋包飯貴呀！

評分
食物：＊＊＊＊
飲品：＊＊
職員：＊＊
價錢：＊＊
環境：＊
整體：＊＊＊

Moe Maid Cafe 萌．女僕咖啡屋資料
地址: 旺角豉油街24-26號福泰大廈5樓B室
電話: 6828 2828
開放時間: 一至日: 3:00pm - 00:00am